Homepage One
AftrnoonDelight
All True Tales
Artistic Dreams
AsianArt Page 1
AsianArt Page 2
AsianArt Page 3
Celts-Scotland
Chinese Whisper
Classic Poems
ClassicWillow
Cloud Dreams
Colourful Tales
Confucius Say
Confucius 2
Confucius 3
Cymru-Wales
Dodies Diets.
Dodies Kitchen
Dodie's Mood
Dodie's World
Dragon World
Dragons Life
Dream - Wishes
EastAsianNews
Japanese Art 2
Goblins Delight
Eira-Ireland
Elfs an Icicles
EnchantedDisney
Japanese Art
Life Knowledge
Music and Film
Mystery A go-go
Newsreel
Nursery Rhymes
Painted Winds
Rhymes Inc.
Saxon-England
Seligor'Stories
Studio Ghibli
Photo Albums
Blog
Dodies Profile
Links
Dodie's Dream World - Complete Chaos! xxx
Blog
Subscribe: Add to Google Add to My Yahoo! Subscribe in NewsGator Online Add to My AOL


Sun, 25 Oct 2009
A FEW LITTLE POEMS BY THE WONDERFUL DAVID RORIE. In the Auld Text as well

 A FEW LITTLE POEM'S BY THE WONDERFUL  DAVID RORIE

THE
PHILOSOPHER PICTURE
 BY C SCOTT AT

www.gallerynucleus.com/artist

                 The Philosopher, Scott C.

THE PHILOSOPHER

DINNA leuk for muckle
An ye'll no be disappintit,

Dinna think ye're somebody
Because ye're dooble-jintit;

Jouk an lat the jaw gae by,
Tak a'thing as it comes,

An niver wyte the grozer buss
For no bein fou o plums.

A' your gear's aneth your cap?
See ye haud a grup o't!

Gin your cogie's cowpit
Ye yet mey save a sup o't;

Jouk an lat the jaw gae by,
Tak a'thing as it comes,

An dintia wyte the grozer buss
For niver bearin' plums.

ELSPET

AYE, a' her life, afore she beddit
This was her prayer, as Elspet said it,

"Pouers o the air! Be guid to me!
Keep me livin'-lat ither folks dee!"

It cairrit her on till eichty-fower,
An the wolf ne'er girnt at Elspet's door.

A'body trimmelt that catched her ee,
There niver was muckle she didna see.

The lasses a' held her in deidly fear,
There niver was muckle she didna hear.

What een an lugs couldna bring till'r hoose,
Elspet niver wad fail to jalouse.

Ilk ane gae her a ceevil guid-day-
When they fand they couldna get oot o her wey.

Ilk ane gae her a cheery guid-e'en-
When sooth rinnin watter rowed canny atween.

When the miller's mear haed her fore-leg brak,
A'body kent the beast forespoke,

A'body kent it was Elspet's spells
An a'body keepit the fack til theirsel's.

Elspet niver gaed near the kirk,
Naebody likit to meet her at mirk,

An the nicht the ase-puckle set fire till her chair,
A hare slippit bye wi its hurdies bare.

Twa herds saw it an heard it squeal
As it hirpled awa for the aid o the Deil.

But dee'd she in grace or dee'd she in sin,
Her gear a' went to her next-o-kin,

An shewn fast in till a lurk in her coats
Was an auld leather bag fou o gowd an notes.

But the far-awa freen that was served her heir
Was slain in a tuilzie at Lowrin Fair.

Aye, a' her life, afore she beddit
That was her prayer as Elspet said it,

"Pouers o the air! Be guid to me!
Keep me livin' - lat ither folks dee!"

Hare

Elspet.

Couplet 8. A witch cannot pass the middle of the first running stream: south-running water is specially efficacious. 

Couplet 9. "To forespeak" is to give undue praise to "beast or body," and is associated with the idea of "The Evil Eye."

Couplet 13. The witch could change into the form of a hare, and injury done to it was done to her.

Couplet 16. "Ill-gotten gear carries nae blessin'."



TIME WAS (1926)

"TIME was"--in the Gaelic he thunnert
Wi the air fou o stour,
Frae the brods that his twa nieves haed duntit
For mair than an hoor-
"When the weemin o this congregation
Could sit on their hair"--
An his een, like a gled's, seekit a' gait
For shingl't heids there
Regairdless o Paul's holy flytin
On earlier flirts -
"But noo they will no finnd it easy
To sit on their skirts."
The kirk skailt, an traivellin' hamewan
At Sabbath-like pace,
While the men said the wirds o the preacher
Was pang-fou o grace,
The weemin o that congregation,
Gey mim-mou'd an grim,
At the back o their minds wisna thinkin
Sae muckle o him.

These wonderful poems and the story below come from the wonderful Web Site at http://scotstext.org/

Posted 12:55

No comments


Post a Comment:




site  zoomshare